नेपालभाषाया दक्कले पुलांगु छुं म्ये

म्येपु १
महिन्द्रमल्ल
सन् १५५९ – ७३

थ्व पाठ मानदास तुलाधर (वि सं २०१३) स दक्कले ह्नापां पिदंगु कथंया पाठ ख:। गनं गनं छुं भिंकागु धा:सा दु। लुमंके बह:म्ह मदुम्ह तुलाधरजुया पाठलिसे ज्व: मला:गु जुक्क क्वय् (आ) धका: क्यनागु दु। थ्व म्ये आसासफूकुथिस दा,स, रनिङल्या: ५७ स दुथ्याकात:गु नं खना। उकिइ पाक्को खँ क्वय् (अ) धका: क्यना।


राग विभास॥प्र॥
कपतिया मायान (केङा)१ हे राम२॥धु॥
न्हेओस जि दोङा छि पालि मजोङा सुखया रस तु लिङा
लोभस ति दुङा थिर तासे चोङा जमया पास जि केङा॥१॥
हितन जि कङा न्हसस मथङा (आओ नुगल मछिङा
अनारी मनन लिओनं मखङा)३ मषुगु लपुस दुबिङा॥२॥
पुरान आदिन (मन्त्र)४ जपतप आदिन जिन वाङा
न्हिन्हिछिया दिन खिउ जुस्य ओन जिन छी नाम काय मलाङा॥३॥
अनेग विधिन नरया पतिन मल्ल महिन्द्रन ल्हाङा५॥४॥

१अ: चिङा। २ आ: मा। ३ थुलि (अ) लय् मदु। ४ छु यायं दासिनी क्षमा जि पापिनी कृष्णया दासन ल्हाङा॥४॥ थुलि (अ) लय् बियात:गु दु।

न्ह्यखँ

पासापिं,

थ्व ब्लगय् नेवाभासं च्वयात:गु पुलां पुलांगु च्वपु व च्वखँ तयेगु बिचा: याना। छिकपिनिगु गुहालि व मतिना दत धा:सा थन यक्कों खँ न्ह्यनि धयागु भलसा कयाच्वना।

योगेश